"Ira madiyama" (August sun)என்ற ஒரு சிங்களத்திரைப்படம் 2003 இல் வெளியானது.பல விருதுகளை வென்ற சிங்கள இயக்குனர் பிரசன்ன விதானகே இதை இயக்கியுள்ளார்.
"Death on a full moon day" என்ற திரைப்படத்தை மிகத்துணிவுடன் 1997 இல் இயக்கிய இயக்குனர் இவர்.
"மிகத்துணிவுடன்" என்று சொன்னதற்கு காரணம் அதன் கதைக்கரு ஒரு விடயத்தினை உச்சந்தலையில் ஆணி அடித்தது போல சிங்கள பேரினவாத போர்விரும்பிகளுக்குச்சொன்னது.
போருக்கு அனுப்பிவிட்டு ஒரு குக்கிராமத்தில் கண்ணீர் வடிக்கும் தந்தையின் கதை அது!
(அந்த திரைப்படம் பற்றி பின்னர் எழுதுவேன்)
இப்போது " இரா மடியம" திரைப்படத்துக்கு வருவோம்.
2003 வெளியான இந்த திரைப்படம் பற்றி நான் கொழும்பில் இருந்தபோது கேள்விப்பட்டேன்.
ஆனால் அந்த திரைப்படம் எங்களைக்கொச்சைப்படுத்தும் படம் என்று எனக்கு சொல்லப்பட்டதால் வேண்டுமென்றே அதை பார்ப்பதை தவிர்த்தேன்.
ஆனால் "death on full moon day" திரைப்படத்தை பார்த்தேன்.
"இரா மடியம" திரைப்படம் ஆனது பல பேசாப்பொருட்களை துணிவோடு பேசியிருப்பதாகவே பார்க்கிறேன்.
இராணுவத்தில் இருந்து விடுமுறையில் ஊருக்கு வரும் "இளைஞன்".
கைதியாக விடுதலைப்புலிகளிடம் சிக்கிய கணவனை தேடும் ஒரு இளம் பெண்.அந்தப்பெண்ணுக்கு உதவும் ஒரு சிங்கள ஊடகவியலாளன்.
விடுதலைப்புலிகளால் விரட்டியடிக்கப்பட்ட ஒரு முஸ்லிம் சிறுவனும் அவனது நாயும்.
இந்த கதாபாத்திரங்களை சுற்றியே படம் நகர்கிறது.
விடுமுறையில் வரும் சிங்கள இளைஞன் தன் நண்பர்களோடு விபச்சார விடுதிக்கு செல்கிறான்.
அங்கே அவனுக்கு "அதிர்ச்சி" காத்திருக்கிறது.
விடுதலைப்புலிகளிடம் கைதியாக இருக்கும் கணவனை தேடிப்போகும் இளம்பெண் தன் கணவனை பார்க்கிறாளா?
விடுதலைப்புலிகளால் 12 மணித்தியால கால அவகாசத்தில் வெறும் 4000 ரூபாய் பணத்தோடு விரட்டியடிக்கப்பட்ட ஒரு முஸ்லிம் குடும்பத்தின் சிறுவன் தான் ஆசையோடு வளர்த்த நாய்க்குட்டியை மீண்டும் கண்டுபிடித்தானா?
திரைப்படத்தினை முழுதாய் பார்த்தால் விடைகள் கிடைக்கும்.
திரைப்படத்தின் ஆரம்பத்தில் ஒரு தொலைக்காட்சி நேர்காணலில் சிங்கள ஊடகவியலாளன் பங்குபெறுவார். அவர் லண்டனில் ஒரு ஊடகத்தில் வேலை செய்கிறார்.
அந்த நேர்காணலின் உள்ளடக்கம் கீழே:
தொகுப்பாளர்:We are discussing the responsibility of the media , in a war situation.
ஊடகவியலாளர்:This is like a cricket match
What is the local media tell us?
They gives us the scores!
"35 terrorists were killed,the army lost 25 soldiers "
As the though we have won by ten runs!
This is not a game.
We are talking about human lives.
Each man is either a husband,brother or son.
When we talk about "martyrs"
We forget the victims of war.
தொகுப்பாளர்:But the tamil tigers is a terrorists organisation.
How can you defeat terrorists without going to war?
ஊடகவியலாளர்:With a political solution!
What's wrong with that?
I feel the tigers are willing to consider a federal solution,and not a separate state.they have said many times,They are ready to discuss power sharing.
Issues like this have been successfully negotiated in other countries.
Telephone call:
நேயர்:How can you be sure that the tigers are willing to negotiate?
How can you know what is on their leaders mind?
ஊடகவியலாளர்:we often talk to Tamil Tigers representatives abroad.
They trust us because they know we don't talk sides.
We think people like you are tiger sympathisers!
Anyone has the freedom to think what they like!
இந்த உரையாடலில் பல யதார்த்தமான உண்மைகளை வெளிப்படையாக பேசியிருக்கிறார் திரைப்பட இயக்குனர்.
ஒரு காட்சியில்...
விடுதலைப்புலிகள் ரக்ரர் வாகனத்தில் வந்து "துரோகிகளுக்கு இங்கே இடமில்லை.உடனே வெளியேறவேண்டும்" என ஒலிபெருக்கியில் அறிவிப்பார்கள்.
அந்த முஸ்லிம் சிறுவன் தன் தாயிடம் கேட்பான் "உம்மா துரோகி எண்டா யாரு? நாங்கள் துரோகியா?".தாய்: இல்லை நாங்கள் துரோகிகள் இல்லைமகன்: அப்ப அவர்கள் அப்படித்தானே சொல்கிறார்கள்.தாய்: அவர்கள் சொல்வது எல்லாம் சரியல்ல.
விடுதலைப்புலிகளால் ஊரைவிட்டு விரட்டப்பட்ட அந்த முஸ்லிம் சிறுவனின் வலிகளை நான் மனதார உணர்ந்தவன்.
ஏனெனில் என்னுடைய ஊரை விட்டு 10 வயதில் ஓடிய போது அதே வலிகளை நானும் அனுபவித்தேன்.சிறிலங்கா ராணுவத்தின் மீது எனக்கு அந்தளவு கோபமும் வன்மமும் இருந்தது.
அதே அளவு கோபமும் வன்மமும் தான் அந்த முஸ்லிம் சிறுவனுக்கும் விடுதலைப்புலிகளின் மேல் இருந்திருக்கும்.
"ரெக்ஸ்" என்ற நாயின் கதாபாத்திரம் மனதை தொடுகிறது.
முஸ்லிம்கள் அனுபவித்த "ஆறாத வலியை" அச்சொட்டாக திரைப்படம் ஆணி அடித்தால்போல பேசுகிறது.
அதைப்பார்க்கும் போது "யாழ்ப்பாண தமிழனாக" குற்ற உணர்வு நெஞ்சை குத்திக்கிழிக்கிறது.
வன்னிக்கு போவதற்காய் மன்னாரில் ஊட்கவியலாளரும் கணவனைத்தேடும் இளம்பெண்ணும் காத்திருக்கிறார்கள்.
கூட்டிக்கொண்டு போவதாய் சொன்ன விடுதலைப்புலி உறுப்பினர்கள் சரியான நேரத்துக்கு வரவில்லை.
"புலிகள் நேரம் தவறமாட்டார்கள். அப்படி நேரம் தவறினால் அந்த விடயம் நடக்காது எண்டு அர்த்தம்" என ஊடகவியலாளர் சொல்கிறார்.
விடுதலைப்புலிகளோடு நெருக்கமாய் பழகிய ஊடகவியாளர் ஒருவரின் வாக்குமூலம் அது.
இந்த திரைப்படத்தை இயக்கிய "பிரசன்ன விதானகே" மீது பல விமர்சனங்கள் இருப்பினும்;
என்னைப்பொறுத்தவரை சிங்கள தேசத்தில் இருந்து துணிவோடு பேசும் ஒரு "சிறந்த" இயக்குனராகவே எனக்கு தெரிகிறது.
விரும்பினால் "இரா மடியம" திரைப்படத்தினை ஒரு முறை பாருங்கள். பார்க்கவேண்டிய திரைப்படம்!!!!
#தமிழ்ப்பொடியன்
